上海街头这些小店，让城市充满烟火气

有人说，那些遍布市区街头巷尾的小店所呈现的不仅仅是商业场景，更像是城市经济的“毛细血管”。随着上海复工复市的步伐加快，最近一些小店开始陆续续恢复营业，记者严山山兜了兜位于徐汇、静安、杨浦的部分小店，并用上海话全程讲述这段探访经历，让阿拉去看一看。

其实，我并勿是一个欢喜逛马路个人，尤其是陪女同胞兜马路、逛商场唠啥。但是，有一种地方，我勿得勿去，搿就是上海个小店。啥叫小店，我个定义就是搭老百姓生活密切相关个，比方讲，裁缝店、剃头店、修理店、五金店。对有些年轻人来讲，伊拉个生活一百样可以通过淘宝、京东、拼多多解决。但是对大多数市民来讲，小店是勿可缺少个。最近，交关小店开始恢复营业，让阿拉去看一看。

搿家店只有天热才开，卖席子搭躺椅唠啥。各种各样个席子，当枕头用个，坐矮凳用个，睏觉用个，最嗲个是迭种竹头躺椅，天热躺勒交头适适意意，让我想起了小辰光勒弄堂里个生活。

搿家皮具店勒马当路浪。黄梅天到了，有些人家会搭拨屋里个皮包拿过来，做做保养。毕过，有些品牌个包包据讲是人造革个材料，勿晓得是勿是需要保养，哈哈。

重庆南路搿家车行是6月头浪向恢复营业个。现在骑脚踏车个人少了，开电动车个人多起来了，对于住勒附近个居民来讲，有搿能一家车行倒是老方便个。

旁边是一爿裁缝店，当天顾客勿多。现在小青年欢喜网浪买衣裳，去店里做衣裳个极少，我老早带老人去董家渡做过衣裳。小区附近如果有一爿裁缝店，改改衣裳裤子是老方便个。

声明：本网站所提供的信息仅供参考之用,并不代表本网赞同其观点，也不代表本网对其真实性负责。您若对该稿件内容有任何疑问或质疑，请尽快与上海热线联系，本网将迅速给您回应并做相关处理。联系方式:shzixun@online.sh.cn